eg lagar

Ny blogg

2011-06-02T09:42:00.002+02:00

Her har det ikkje skjedd noko på lenge, fordi eg har hatt ein ny plan i hovudet.
Den nye planen kan du sjå på http://saumfart.blogspot.com
Velkomen!

Monster 2

2011-02-28T18:29:00.001+01:00

Endeleg har eg fått somla meg til å legge ut eit bilete av monsterbuksa eg strikka i januar.. Eit litt skummelt monster på brun og grå bukse.. Passar godt til denne tøffe guten her :)

eg bakar..

2011-02-28T18:22:00.003+01:00

Hans Jakob har nett vore ein tur i USA og eg har fått cupcakesutstyr. Fine former, fine fargar, gode ingrediensar og i helga har eg prøvebakt. Har nok ein god del forbetringspotensiale både når det kjem til cupcakesoppskrifter og til frostingspruting, men det var kjekt og denne dama her har mange gode tips når det kjem til cupcakes.. :)

Gode vart dei i alle høve!

eg strikkar..

2011-02-28T18:18:00.002+01:00

Restegarnet frå julegavestrikkinga har vorte til lesesalstøfler. Strikka i forelesingar til bruk på lesesalen :) Det er skuletøflene sine det! Har også strikka eit par sitteunderlag til meg og Hansi. Det er kjipt å berre strikke til andre, så måtte lage sitteunderlag til oss også!

Pynte litt

2011-02-22T21:09:00.004+01:00

Vårsola har kome for fullt og gjer det så mykje lysare og trivelegare inne. Det har ført til at eg har fått så lyst til å pynte litt, og medan Hans Jakob var i USA skjedde det både eit og anna på heimebane.

Rut sine fine kalenderkort får lyse opp i ramma, og ein av englane mine kosar seg saman med alle prinsessene.

Mamma var på besøk i helga og hadde med gamle bileter som vi førte over på printerstoff. Det
vart til eit koseleg hjerte med mormor, oldermor og tippoldemor på.

I høve valentines og morsdag var det tilbod på blomar overalt, og ein hjerteeføy og nokre nydeleg grønrosa roser fekk vere med meg heim og pynte opp. Rosene har snart stått i to veker!

Settekasse

2011-02-22T21:02:00.004+01:00

Har fått litt meir orden i scrappesakene no som den nye settekassa mi og den vesle kommoden har vorte heilt ferdig. Søstrene Grene har hatt settekasser til ein billeg penge, og fine papir til ein enda billegare penge, og då vert det fart på sakene.

Brurepara på veggen er mamma og pappa, og svigermor og svigerfar. Rammen er originale og eg tykkjer det er ganske morosamt at dei valte same ramma på kvart sitt bilete. Boksa med brureparet på er fin tykkjer eg og der har eg mange av bileta frå bryllaupet vårt som ikkje fekk plass i bryllaupsalbumen.

I settekassa har eg fått plass til puncherane mine frå Martha Stewart, nokre stempel og anna koseleg pynt. I den vesle kommoden har eg putta scrappeverktøya som eg nyttar mest, og som er kjekt å ha lett tilgjengeleg.

Morfars kommode

2011-02-22T20:53:00.002+01:00

Denne kommoden lagde morfar for mange mange år sidan. Kommoden vart min då eg flytte heimefrå for snart sju år sidan. Sommaren før eg flytta hadde eg han som mitt store oppussingsprosjekt. Då var han trekvit og lakka, og det vart mange timar i hagen med pussemaskina før eg malte han kvit, med grå skuffer og kvite handtak.

Dei to siste åra har han stått i gangen vår i Trondheim og det har vorte nokre dultar og spark. Skitne sekkar og våte jakker har også bidrege til at han ikkje lenger var like fin.

Eg har tenkt lenge på korleis eg skulle gjere han fin att, og førre mandag sette eg i gang. Malinga som var att frå tallerkenhylla gjorde han lysegrå, og ein rull med tapet var redninga for skuffene og toppen. Ei kjekk settekasse frå Søstrene Grene fekk same behandling. Greit til plassere småting i som vi brukar i kvardagen.

No står han i gangen vår og lysar opp. Kjekt med forandring!

Fjorårets julegåver 2 og 3

2011-01-09T15:16:00.005+01:00

Det er kjekkast med heimelaga gåver tykkjer eg. Så det vart nokre fleire heimelaga gåver frå meg til jul, som no altså er i fjor..

Til fadderbarnet mitt lille Eva strikka eg ei monsterbukse, etter dette mønsteret. Og sidan eg hadde att litt garn strikka eg ei apebukse i samme slengen. Og eg hadde framleis litt garn att etter det, og eg er no i gang med monsterbukse nr. 3. Bilete kjem av den når den er ferdig.

Til nevøen min Simen sydde eg eit legoteppe. Han har nett starta å leike litt med lego, og då er det kjekt å ha ein plass å oppbevare legoen.. :)

Nett no skal eg sette meg ned å lage nokre bursdagskort. Første kvartal av 2011 inneheld maange bursdagar.. :)

Årets julegåver del 1

2010-12-26T22:11:00.002+01:00

Kalenderluke 4

2010-12-04T11:57:00.002+01:00

Yei! Eg vart dagens følger i adventskalenderen til that`s just so cute. Kjekt med litt oppmerksomhet! Her er eit av julekorta eg har laga nyleg. Syns motivet av dei tre vise menn var så fint :) Ha ein god 4. desember alle saman! Eg nyt lesesalens ro for å gjere unna to av eksamensoppgåvene mine, før det vert julebord i kveld!

1. søndag i advent

2010-11-28T16:14:00.003+01:00

Årets adventsdekorasjon vart enklare enn i fjor, men eg er likevel nøgd.. :) No er heimen rydda. Stjerna eg laga i fjor er kome opp i vindauget, julekrubba frå Willow tree er sett opp og dei lilla dukane er lagt på. Eg pyntar med lilla for å halde meg til kyrkjeåret sine fargar. Idag har vi gått inn i det nye kyrkjeåret og fargen på tekstilane i kyrkja er lilla no. Så det er det det går i her i huset.. No skal eg strikke og hekle litt, og så ventar adventskonsert i kveld før nattevakt. Det er deilig å tenke på at det går mot jul, eksamens- og jobbfri. Det vert godt! Ha ein flott 1. søndag i advent du og.. PS: det går dårleg med kortutfordringane til no. Utruleg kor mange flinke damer det er der ute :) Hehe..

Vintageutfordring

2010-11-24T10:27:00.004+01:00

Kva ein les på lesesalen kan vere så mangt. Og akkurat no var eg på ei bloggrunde, og kom på at eg hadde eit bidrag å poste som eg har laga til Scrappiness si utfordring. Temaet var ein vintageinspirert julekreasjon. I mitt tilfelle vert dette eit vintageinspirert julekort.

Småbileta er frå Kaiser Craft "Tis' is the season". Snøkrystallarket som er brukt til bakgrunn er restar frå bryllaupsalbumen. Notepapiret er frå loppemarknad. Har brukt cracklepaint for å få ein litt betre kontrast. Har sydd fast blonden med vokstråd. Snøkrystallar frå Martha Stewart sin puncher. Og nokre metallsnøkrystallbrads har eg også fått med. Ei kjekk utfordring!

Inspirasjon

2010-11-22T15:12:00.004+01:00

Eg har hatt mykje inspirasjon i julekortlaginga i år som de ser nedover bloggen. Kjekt med så mange utfordringar som kan gje gode tips og idear til oppsett. Nordsalten hobbyklubb har ei utfordring der ein skal verte inspirert av eit bilete. Og det vart eg i aller høgste grad. Eg skulle verte inspirert av eit bilete og her er mi løysing..

Både biletet eg har valt og englen i ramma er valt på grunn av inspirasjonbiletet. Arka er frå Webster Pages og nokre andre produsentar eg ikkje har i hovudet her og no. Best Wishes-band frå Martha Stewart, og snøkrystallar frå same dama. Har sydd i hjørna med voksa bomullstråd. Og så har ein liten heklaserviett fått vere med på laget og.

Rosa, blått og lilla

2010-11-22T15:04:00.003+01:00

Sukkersøtt har og ei utfordring på gang. Her skal ein lage eit kort med fargane rosa, blå og lilla. På juleverkstaden i går tok eg utfordringa og prøvde å lage eit kort i litt andre fargar enn det eg brukar, og slik vart resultatet.

Blomane og kartongen er i rosatonar. Snøkrystallen er i blått. Og om du ser godt etter har jenta på biletet ein lilla kjole på seg :)

Arka er frå Webster Pages. Snøkrystallar og blondekant er det puncherane til Martha Stewart som har hjelpt meg å lage. Blondane står mamma for. Blomane er frå gamle lysmansjettar med metallpynt frå perlehuset.

Kjekk utfordring å lage kort i andre fargar enn det ein vanlegvis gjer.

Ventetid

2010-11-22T14:54:00.003+01:00

Scrappekammeret har og ei utfordring gåande som eg har laga eit julekort til. Temaet er ventetid og då syntes eg at det passa godt med eit kort til julenissen..

Papira eg har nytta her er ein god kombinasjon av Webster Pages, Kaiser Craft og nokre papir som eg kjøpte i USA i sommar som eg ikkje hugsar produsenten av. Elles har nokre små heklabrikker fått nytt bruksområde. Blomen er i utgangspunktet frå prima, men har fått ny topp av papir, resten av heklabrikken og litt bling. Bandet er frå ei julegåve i fjor, så her snakkar vi gjenbruk. Biletet av julenissen er frå eit klippeark kjøpt på panduro.

Raudt og kvitt

2010-11-22T14:36:00.005+01:00

Fleire utfordringar står for tur, og denne gongen slår eg likegodt til med to bidrag til Sketchy Colors si utfordring nr. 48. Fargane til utfordringa er raudt og kvitt, og her er mine to bidrag.

Eg har brukt ark frå Webster pages og Kaiser Craft "Tis' the season", ein heimelaga blome og kakedoilies, litt band og metallpynt frå perlehuset.

Her har eg brukt ark frå Kaiser Craft "Tis' the season", notepapir frå loppemarknad, heimelaga blomar frå gamle lysmansjettar og blondar frå ho mor.

Ei julehelsing

2010-11-21T21:52:00.005+01:00

I dag har eg hatt juleverkstad med to kjekke jenter frå klassa. Eit nytt innlegg frå den kjekke kvelden kjem seinare. Aller først må eg nemleg rekke å poste ei julehelsing som skal vere med i kreative krumspring si utfordring denne veka. Kortet over er mitt bidrag til utfordringa. Det er i 6x6, med papir frå webster pages, vintagefoto frå panduro, eigenproduserte noteblomar og litt blondepynt. Eg har laga fleire kort og i kveld, og det vert nok posta nokre fleire i dagane som kjem. Ha ei god natt!

Barnedåpshelg

2010-11-15T08:35:00.005+01:00

Eg har vore i barnedåp som fadder til Eva Camilla i helga. Kortet til dåpsbarnet vart laga som små sko etter ein mal eg fann på kreativesider.no. Eg var og med på å pynte bordet :) Syns mamma Lina har gjort ein særdeles god innsats i planlegginga og førebuingane! Kjekk helg!

PS: skoa er med i ei utfordring på that's just so cute..

Oppussing

2010-09-25T13:44:00.003+02:00

Hausten går fort og det er mange prosjekt som står i kø. Eit av dei er denne tallerkenhylla som eg kjøpte på loppemarknad for ca ein månad sidan. Den var beisa i ein slags mørkebrun farge. Har pussa den ned, og idag har eg grunna første strøket. Gløymte å ta bilete av den før eg starta, men her er i alle høve eit bilete av undervegsprosessen. Gler meg til å verte ferdig, slik at eg kan henge den opp over kaffitraktarane våre! :)

Velkomen!

2010-09-02T14:02:00.002+02:00

Endeleg kan eg legge ut bilete av fødselsdagsgåvene til dei to nye verdsborgarane som har kome i løpet av dei tre siste dagane! Filip August og Eva Camilla har vore venta på i lengre tid, og endeleg har dei kome til verda! Gratulerer mødrer, fedrer og storesøster!

I går fekk eg vitje vesle Filip August på sjukehuset, og han fekk si lille blå fødselsdagsboks full av små kjekke ting å gi vekk!

Eva Camilla kom til verda idag, og sjøv om ikkje ho enno har fått si boks, reknar eg med at verken ho, mor eller far er særs ivrige blogglesarar dei næraste dagane! Difor trur eg det skal vere trygt å leggje den ut litt på forhånd!

For dei litt meir scrappeinteresserte så er boksene laga etter mal frå ei Happy Meal-boks frå MacDonalds. Ein god idé som eg vart inspirert til på ei av mine bloggrunder. Eg har nytta ark frå Webster Pages, bazills, elles litt sløyfer, bokstavar, utstansa sommerfuglar og nokke anna småpjask. Hausten er i gang, og dermed og scrappesesongen! Eg hiv meg med på utfordringa frå Nordsalten Hobbyklubb som var å lage noko med vingar. Vingane finn du på den søte feen som rir på skilpadda, og på sommerfuglane på sidene til boksa.

Det er kjekt med nye verdsborgarar!

Loddtrekking

2010-08-04T22:54:00.003+02:00

Då er trekkinga av giveawayen gjennomført. Samanlagt vart det tatt 24 lodd medrekna kommentarar og følgjarar. Eg har brukt ein digital loddtrekjar, som heilt tilfeldig trakk ut eit nummer mellom 1 og 24.. Og det vart nr. 15.

Og kven vart så den heldige vinnaren? Jau, det vart..

tamtaramtamtam..

Anja - som fekk nr. 15 tilfeldig tildelt av meg!

Hurra for deg! :) Du får dette settet i premie!! Og det er vel fare for at vi snakkast i Trondheim til hausten, så då kan du få det ved eit passande høve! :)

Forhåpentlegvis vert produksjonen sett i gang att når ferien er over, så fram til då er det berre å gjere på noko anna enn å kike innom sida mi :) God ferie til de som framleis har litt att!

Utsetjing

2010-07-30T15:35:00.001+02:00

Vert visst utan internett i nokre dagar, så då vert trekkinga av giveawayen utsett til litt ut i neste veke.. Då har de nokre dagar til på dokke om de vil vere med, men har gløymt å ta lodd. Berre sjå innlegget litt lenger nede på sida :)

Scrapbook heaven

2010-06-29T20:23:00.003+02:00

No er det lenge sidan sist eg var innom og blogga her.. Det vert lite produksjon på meg for tida ddå eg er i USA. I staden for sørgjer eg for å gjere innkjøp slik at eg kan fortsette produksjonen når eg kjem heim.

Var på to ulike scrapbookbutikkar i går, og begge gjekk Panduro og andre norske scrapbookbutikkar ein høg gang. Her er alt så stort! Og hurra for det! Fekk kjøpt masse fint.

Blant anna:
- blomar frå Prima
- ulike silkeband
- fire puncherar frå Martha Stewart
- dymotape i kvit, rosa og lyseblå
- ulike alfabet
- eyelets
- 36 nye pennar!
- diverse ark
- rubons
- ein del pappklistremerker frå byane vi har vore i og skal til
- og sist, men ikkje minst, nytt skjærebrett frå fiskars. Det gamle hadde starta å kutte skeivt.

No gler eg meg til ein ny scrappehaust!

PS: Minnar om giveawayen i førre innlegg!

Giveaway

2010-06-15T17:16:00.004+02:00

Eg tenkte eg måtte feire litt at eg skal på sommerferie.. Det førar jo til at det vert dårleg med oppdateringar her på ei stund. Difor tenkte eg at eg kunne ha ein liten giveaway til de som ikkje får vere med meg på utsatt bryllaupsreise!

I tillegg er det jo så mange kjekke folk som er innom og kommenterar på bloggen min! Tusen hjarteleg takk for alle dei kjekke orda de skriv. Og så er det litt kjekt å sjå at det er folk frå heile landet som er innom. Det veit eg fordi eg brukar google analytics til å følgje med på statistikken på sida. Så no har du sjansen til å legge igjen ein kommentar og kanskje få noko att for det!!

Og korleis fungerar så giveawayen..

Du får 1 lodd for å kommentere dette innlegget.
2 lodd kan verte dine dersom du vert følgjar av bloggen min.
Og 3 lodd får du dersom du lenkjer til bloggen min med biletet som er brukt i innlegget.
Skriv i ein kommentar kor mange lodd du tek!

Vinnaren trekk eg 1. august. Så her har de lang tid på dykk :)

Og kva gir eg vekk? Jo, ein liten sminkepung og ei lita lommebok akkurat med nok plass til nokre få kort og litt myntar..

GOD SOMMAR TIL ALLE LESARANE MINE!!

PS: Om du har lyst, kan du følgje oss på ferietur på fordidetervito.

Betre seint enn aldri

2010-06-14T23:50:00.002+02:00

Jammen meg det rakk eg ein bloggpost før klokka vart over midnatt..

Nye puter i sofaen har vore eit lenge påtenkt prosjekt. Og i dag vart det realisert! Hurra for det! Ein tur til Stoff og stil gjorde utslaget. Det var kome eit nytt stoff som passa så godt til gardinene våre! Og det brune stoffet passa godt til sofaen i seg sjølv. Og så vart det nok stoff til ei lita brikke på stovebordet og. Putene har trykknapp i botnen så det er lett å ta av trekket for å vaske det om det skulle verte naudsynt. Så idag har eg lært korleis ein slår i trykknappar og! No ventar ryddinga.. God natt!

Rydding av klesskap

2010-06-13T20:05:00.003+02:00

Har rydda klesskapet i dag. Det var på tide.. Sidan vi snart reiser på ferie og har planar om å kjøpe nye klede då, måtte det ryddast litt plass, samt pønskast ut kva nye klede eg har aller mest lyst på. Eg kom over ein sommartopp som var så sliten i strikken at den godt kunne brukast til noko heilt anna. Den vart til ein babykjole, eller ein liten babytopp fritt etter denne oppskrifta. Har framleis litt stoff att, så kanskje vert det ein til?

I morgon må eg på Stoff og stil og kjøpe fleire glidelåsar. Det var jo kjempekjekt å lage sånne små vesker og lommebøker!

To innlegg på ein dag?

2010-06-12T22:29:00.004+02:00

At eg skriv to innlegg på ein dag seier vel noko om kor kjekt eg har det nett no med syinga. Eg sit på stua med utslått kjøkkenbord, og Hans Jakob sit i stolen og ser fotball-VM. Snakk om kjekk kvalitetstid!

Lovte jo i går kveld å vise fram det eg sydde på i går. I dag er dei siste kleda heilt ferdige. Eg har sydd ein kjole og ein buksedress etter mønster fra "Barnetøy du selv kan sy 0-4 år" av Elsebeth Gynther. Artig å finne att diverse mønster som eg kjenner att frå eg sjølv var lita. Og stor var gleda då eg fann ut at maskina mi kan sy i knappar! :) Det sparar veldig mykje tid.

Eg har og sydd ei smekke eller eit halstørkle av ei strimle hjertestoff som eg hadde i ei boks. (Den er til deg Lina!) Og til slutt har eg endeleg fått sydd "reiselommebok" og "reiselitavesketilåhamobilogandresmåtingi". Eg har grudd meg skikkeleg til å sy desse to fordi eg aldri hadde sydd i glidelås før. Men etter litt prøving og feiling og opprekking av saumar fekk eg det til på to ulike måtar. Litt digg var det at eg sydde desse to av nokre små brikker eg kjøpte på loppemarknaden, dei var nemleg ferdig fora! Genialt! Nokre små hjerter har eg og på lager, og neste prosjekt med desse får de sikkert sjå i morgon!

Kleshengarar og tutorial

2010-06-12T17:33:00.006+02:00

I går kveld på nattevakt fekk eg ein god idé..
Kleshengarane mine er for store for barnekleda, så kvifor ikkje lage eigne passande barnekleshengarar sjølv?

Tenkte eg kunne forklare steg for steg korleis eg laga dei, så kanskje du får lyst til å lage kleshengarar sjølv?

Først måtte eg på Clas Ohlson for å kjøpe ståltrå d. Kjøpte ein som er 1,5 mm tjukk. Den er passe stiv til å henge noko på, men samstundes ikkje så stiv at eg ikkje klarar å bøye den med handemakt. Og i posen var det tre rullar, ein rull rakk til tretten hengarar.

Deretter bar det heim, og eg måtte rote litt i ei av hobbyeskene mine under senga etter treperlene mine. Dei såg eg for meg at kunne passe bra som pynt. Klipte opp ståltråden med ei avbitartang i stykke på litt over ein meter. Sjølve hengaren er ca 30 cm brei. For å få til dei runde endane bøyde eg ståltråden rundt metallrøret på støvsugeren, då vart kleshengeren passeleg avrunda. Tvinna ståltråden på toppen etter å ha forma til ei passeleg form, tredde på perler på endane, forma eit hjerte, tvinna igjen og klipte av endane med ei avbitartang.

Desse kleshengarane er alt for fine til å henge inni skapet, difor brydde eg meg ikkje med å lage krok til å henge over ei stang. I staden for kan ein spikre ein spiker i veggen og la kleshengeren henge framme med favorittplagget på!

Etter å ha laga ti perlekleshengarar kom eg på at eg hadde litt kvite gjennomsiktige stoffrestar igjen frå ei av gardinene frå loppemarknaden eg var på førre helg. På dei siste tre kleshengarane tvinna eg stoffstrimler rundt ståltråden før eg bøyde den. For å få stoffstrimlene til å sitte fast tvinna eg tynnare ståltråd rundt og rundt.

No vert det enda kjekkare å sy fine ting, når dei kan henge på eigenproduserte hengarar!
Håper du prøver!

Selge det eg syr?

2010-06-11T23:23:00.003+02:00

I dag har eg ingen ferdige produkt å vise til. Fordi dei ikkje er heilt ferdige, og fordi eg har plundra mykje med tankane om kor kjekt det er å sy, og at eg har lyst å sy meir. Og at eg har lyst å selge det eg syr og tene pengar på hobbyen min. Det er målet :) Det skal eg frå hausten av. Då vert mine barneklede å finne både på nettet, og i ein liten liten butikk. Eg har til og med funne navn. Men det er hemmeleg enno..

Så no må eg lage nye merkelappar.. Trur jammen meg det eg skal bestille frå denne sida. Dei førre vart nemleg ikkje nokon kjempesuksess, fordi teksten gjekk av i vask endå at eg hadde brukt strykejernet på dei slik som det stod på tekstilmalingsboksen.. Jaja. Det var no kjekt å lage merkelappane i alle høve.

Bilete av det eg har sydd i dag kjem nok høgst truleg i morgon.

Frå putevar til sommerkjole

2010-06-10T09:05:00.004+02:00

Inspirasjonen er framleis vedvarande! Hurra for det! Har sydd to barnesommarkjolar etter denne oppskrifta her. Bloggen hennar er absolutt verdt eit besøk for deg som likar søm, fargen kvit og koselege ord!

Men det var kjolane.. Oppskrifta var ganske lett å følgje, og ein treng heller ikkje så mykje stoff. Difor vart eit av putevara frå loppemarknaden ofra, syns det passa heilt utmerka til sommarkjole. Og det kjekke var jo at eg fekk to kjolar av eit putevar. Det kallar eg bonus! No skal eg ut i marka å orientere litt. Gler meg!

Forklekjolar. Gårsdagens prosjekt.

2010-06-09T11:30:00.002+02:00

Sidan eg er i symodus for tida reisar eg rundt på mange ulike bloggar etter inspirasjon. Hos denne dama, fant eg noko eg fekk så lyst til å sy. Forklekjolar er veldig søtt på små ungar tykkjer eg. Og eg reknar med at dei skal få bein å gå på etterkvart som søstre, svigersøstre, venninner og eg set i gang produksjonen av små søte jenter..

På grunn av at eg ikkje hadde noko mønster til desse forklekjolane vart gårsdagens prosjekt av typen langvarig. Først prøvde eg å lage mønster sjølv. Deretter innsåg eg at eg ikkje fekk det til. Så reiste eg opp på skulen for å skrive ut og forstørre mønsteret frå Helene på kopimaskina. Og då eg kom heimatt kunne eg endeleg prøve meg fram med å klippe til mønster.

Sidan eg ikkje har ein baby tilgjengeleg måtte Substi trø til som prøvedukke. Han har vel kanskje ikkje heilt den rette storleiken, men eg fekk no eit slags inntrykk av at dette kunne bli bra.

Eg leitte litt i stofflageret og fann fram dei gamle barndomsgardinene mine med marihøner på, eit raudt bomullstoff og babusjkastoffet pluss rosestoffet frå stoff og stil. Deretter sette eg i gang og eg var ferdig klokka halv tolv i går kveld. Kjolane kan brukast på begge sider, og difor applikerte eg på nokre marihøner på marihønekjolen, og tre babusjkadokker på babusjkakjolen.

I dag har eg vore ute i bakgården for å ta bilete av kjolane, og no er planen å gå ut att. For der var det sol og varmt! Ha ein fin dag alle saman!

Merkelappar.. endelig!

2010-06-08T13:05:00.002+02:00

Har tenkt lenge på at eg skulle få bestilt meg merkelappar. Har spekulert på kva som skulle vere merkenavnet mitt. Men tilslutt måtte eg berre innsjå at sidan bloggen heiter "eg lagar", og sidan det er eg som lagar tinga, så måtte det verte merkelappar med "eg lagar" på. Var på ei bloggrunde i går og kom over denne oppskrifta på korleis eg kunne lage mine egne merkelappar. Eg sette i gang, fann fram litt flanell som eg hadde liggande, og litt rosa filt. Så brukte eg litt hardplast frå ei gåveeske til å skjære ut malen. Fann litt stoffmaling og ein svamp i syskrinet, og så var det berre å setje igang.. Litt plundrete prosjekt, ikkje like lett å få alle trykka til å verte fine, men alt i alt er eg nøgd. Og det beste er at no har eg malen, så eg kan berre lage fleire når eg treng det! No må eg berre sy litt fleire ting slik at eg får prøvd ut merkelappane!

Sydama 2

2010-06-07T11:15:00.003+02:00

Då var den andre skjorta og sydd om.. Eg var så ivrig etter å skjære i stoffet at eg heilt gløymte å ta eit førbilete. Her er i alle høve etterbileta.. Nok eit par med blondegardiner vart med heim frå loppemarknaden, og dei har vorte både til kant nede, og til stropper. Knappestolpen er i ryggen på denne og, men er sydd heilt att sidan eg har brukt strikk for å få grei passform. Fann og to merkelappar i syskrinet som eg har spart på til eit passande høve. Og det meiner eg er no, perfekt til sommartoppane :) På merkelappen står det:

WIFE
I-D-O
35 % Love
35 % Nurture
30 % Devotion
Ring Dry

Har framleis ein del stoff igjen i posen frå loppemarknaden, så det vert vel meir sying tenkjer eg.. Berre vent å sjå!

Oppussing

2010-06-06T23:53:00.001+02:00

Det er visst ikkje berre gamle klede som får nytt liv. Bloggen har og fått ei aldri så lita oppussing. Vårgrøne overskrifter, nytt banner og kvit bakgrunn har eg pusla med i kveld. Fungerar det på nettlesarane som de brukar?

Sydama

2010-06-06T13:47:00.004+02:00

Eg lovte i forrige innlegg å vise noko meir av det eg fann på loppemarknaden i går. Og her er ei av to skjorter som vart med heim. Skjorta var i storleik XXL, med andre ord perfekt for omsying, for her var det mykje stoff å ta av :) Etter inspirasjon frå denne bloggdama her har eg sydd meg ein sommartopp..

Utgangspunktet.. Klar for oppspretting :)

Det endelige resultatet. Sjølvsagt hengande på perlekleshengeren min som eg fekk med på kjøpet då eg kjøpte pelsboleroen til brudekjolen..

Fann nokre blondegardiner på loppemarknaden som og vart med heim, perfekt for pynting :)

På baksida er knappestolpen frå framsida av skjorta.. Sjekk Nidarosdomen i bakgrunnen :) Bra utsikt frå gangen vår :)

Og til slutt ei blid sydame, som er veldig nøgd med eit kjekt syprosjekt. No ventar neste skjorte. Spennande å sjå korleis den vert :)

Loppefunn

2010-06-05T12:09:00.004+02:00

Dagen i dag starta på Dyrebeskyttelsen sin loppemarknad i Trondheim. Det var ikkje berre eg som hadde teke turen dit, så allereie før dei opna var det fullt av folk i gymsalen..
Eg tok strake vegen bort til "tekstil-avdelinga" og der fann eg litt av kvart.. Ein del stoff som skal verte til litt av kvart, lovar å legge ut bilete når eg set i gang og lagar..
Men bonusfunnet var kanskje dette..

Rullar med silkeband i ulike rosa-og lillanyansar.. Og nokre kvite rullar i ulik bredde. For heile hurven, både stoffet og banda betalte eg 50 kr, så eg meiner sjølv at eg har gjort eit kupp! :)

Perfekt for vidare sying og scrapping :)

Brudebuketten

2010-06-02T17:40:00.003+02:00

Eg kjem lenger og lenger i arbeidet med bryllaupsalbumen. No har eg fått scrappa bileta av brudebuketten.. I posen ligg det tørka roseblad og strengen som holdt buketten saman.. Buketten var det ei venninne av meg som laga! Eg var kjempenøgd, og syns sjølvsagt at dette er den finaste brudebuketten i verda. Det vart brukt kvite roser, kvite orkidear, hjerteranke pluss nokre andre små kvite blomar. Sjølve stillaset til brudebuketten er laga av vrihassel og buketten kunne bli tredd inn på arma og henge frå den..

Arket som eg har brukt har eg spart på lenge.. Det vart kjøpt spesielt til desse bileta :) LOen er med i ei utfordring frå Nordsalten hobbyklubb som heitte "flower power". Tykkjer det passar ekstra godt med bilete av brudebuketten då.

Prinsesseposar

2010-06-02T17:11:00.006+02:00

Eg har ferie og då har eg tid til litt av kvart. Blant anna har eg sydd tre prinsesseposar som eg har fått inspirasjon til her, og så har eg følgt den ne instruksjonen.. Det er så kjekt med så mange flinke bloggarar rundt om kring som kan bidra både med instruksjon og inspirasjon!

Posane er sydd av litt restestoff som eg har hatt liggande. Eg tek ikkje sjansen på å kjøpe noko nytt stoff før etter ferien, treng kvar ei krone til USA! Men neste gong vert dei nok laga i ein litt meir sukkersøt variant :)

Kort

2010-05-22T21:08:00.006+02:00

Det er sesong for kortlaging, og eg har laga fleire kort i det siste til ulike høve i tida framover.

Dette brettekortet ser slik ut når ein åpnar det, og nedanfor ser du korleis det ser ut når ein lukkar det att.

Dette er ei lommebok, som skal brukast som dåpskort.

Og dette er to after eight-esker som eg har pynta.

Bryllaupsminner

2010-05-15T23:57:00.003+02:00

Sidan brura og brudgomen har åpna bryllaupsgåva på forskot, kan eg no legge ut bilete av eska bryllaupsgåva vart pakka inn i :) Den er tenkt til å ha bryllaupsminner i, i etterkant av bryllaupet. Boksa er pyntamed papir frå webster pages, som har kjempeflotte ark, silkeblomar frå nokre gamle lysmansjettar, litt pomponband og nokre gamle boksider.

Bryllupsalbum

2010-04-20T22:21:00.004+02:00

Eg har vore kreativ igjen.. Det blåste ein inspirasjonsvind over meg på søndag og eg fekk gjort ferdig fortsettelsen på ein dobbel-LO pluss laga ei ny side..

Første side av vinterland laga eg i november,
så det tok meg altså fem månadar å finne inspirasjon til å lage denne.

Eg har hekla saman bilda, og så er det litt blonder og ein brun krystallswirl..

Her er fra fotograferinga etter kyrkja med hjelp av to gode vener.

Det var faktisk berre så vidt vi hugsa å ta bilete saman med forloverane!
Men dette vart no ganske kult då :)

Konfirmasjonstid

2010-04-10T23:33:00.005+02:00

Det nærmar seg konfirmasjonar, og sidan eg ikkje skal i nokon, brukar eg heller tida på å lage kort til andre som skal i konfirmasjon. Eit til mamma og eit til svigermor. Eit jentekort og eit gutekort, som eigentleg er svæært så like.. :) Men litt samlebandsproduksjon må vere lov.

Conversebabysko 2

2010-02-21T17:17:00.004+01:00

Helga og veka som var har resultert i to par conversesko til! :) Eit babypar og eit til nevø Simen på fem år, så klart i yndlingsfargen til Simen, GUL! Scrapbookinga ligg litt i dvale til inspirasjonen innhentar meg att. Neste prosjekt er nye sofaputer, spent på når det vert! :) Ha ei god veke!

Conversebabysko

2010-02-17T20:29:00.007+01:00

Fekk kjempeinspirasjon på førre Spenstig-kveld (Spenstig = mannsforeninga Frodig sine betre halvdelar). Vesle Eliah kom iført supersøte hekla conversebabysko. Eg kom rett heim, og full av inspirasjon googla eg conversetøfler og kom over denne flotte oppskrifta. Kjempeflott og forholdsvis enkel oppskrift å følge. I kveld er eg på jobb, og jammen har eg ikkje fått tid til å hekle eit par gule og. Bilde kjem etterkvart :)

Bursdagsmamma

2010-01-29T18:20:00.005+01:00

I dag har mammaen min bursdag! Gratulerer med dagen! Eg har pynta ei toffifee-eske til ho, i tillegg til å lage ein bursdagshusker! Bursdagshuskeren har eg ikkje teke bilete av, men toffifee-eska har eg foreviga!

Sølvbestikketui

2010-01-15T16:44:00.005+01:00

Svigermor bestilte sølvbestikketui, og her er dei. Fiks ferdig! Eg likte stoffet så godt at eg kjøpte litt ekstra til ein duk som eg kunne ha på stovebordet! Elles er det litt smått med hobbyaktivitetar no i starten på januar, på grunn av ny jobb som tek det meste av kreativitetslysta. Men kanskje vert det noko i helga! :) Ha ei god helg i alle høve!

Julegåver 2009

2009-12-25T16:30:00.005+01:00

God jul til alle lesarar av eglagar! No kan eg endeleg poste noko av det eg har gitt vekk i julegåver i år. Her er nokre englar som eg har sydd! 15 stk vart det og med matchande hjerter som kan henge på juletreet!

På utstilling på eit heimelaga juletre i butikken til Heidi på Sandane.

God jul :) No skal vi snart ete 1. juledagsmiddag!
Hos oss vert det kalkun i dag!

Til niese Hanna har eg sydd eit koseleg forklé etter eit gammalt forklé som mormor sydde til ho mamma då ho var sju år.

Sidan svigerinne Rut ynskja seg strikkepinneetui på bloggen rett før jul måtte eg nesten laga eit til ho. Og her er det eg laga til henne med ei ny lukkemekanisme. Eit gammalt selebuksefeste!

Takke meg til

2009-12-19T23:38:00.003+01:00

No var det lenge sidan eg hadde posta noko her..

Eg er hos søstra mi og hjelper til med siste førebuingane før storinnrykket av resten av familien kjem over helga :)

Då Heidi og eg rydda kjøkkenbenken i kveld meldte behovet for eit trekk til takka seg. Etter først eit mislukka forsøk fekk vi til dette trekket, og det er vi godt nøgde med!

Sydama

2009-12-10T23:44:00.007+01:00

Etter at eg vart ferdig med eksamen på mandag har eg gjort ein ting. Eg har sydd.

Hadde kvinneforeninga på sykveld på mandag. Då sydde vi hjerter, små fylte hjerter til for eksempel å henge på juletreet. Tysdag, onsdag og i dag har eg sydd på nokre juleprosjekt som kjem på bloggen etter jul. Kan ikkje avsløre julegåvene :)

Hanne og Marie undrar seg over tråddottane som kjem ut av Marie si symaskin.

Andrea er særs ivrig i stappinga av hjerta.

Ferdige hjerter!

Har også sydd ei bestilling på eit strikkepinneetui. Fann dette skikkeleg kule stoffet på stoff og stil med babuskaer (skrivast det slik?). Syns det var så stilig. Og eigaren vart nøgd og! Kjempekjekt!

No gjenstår det stort sett tråkling av vrengeopningar og slike ting på julegåvene. Men det er kjekt arbeid! Deilig å endeleg få gjere noko praktisk! God natt :)

Mamma lagar

2009-12-06T11:54:00.001+01:00

Syns mamma fortener ein plass på sida :) Ho vart inspirert av adventsstjerna mi og har laga to stk til seg sjølv :) Her er biletet av den eine. Ha ein god andre søndag i advent!

Julepynt

2009-12-05T08:33:00.007+01:00

That's just so cute har ei ny utfordring på gang - juleextra. Denne gongen er temaet jul og ein kan laga nett det ein har lyst til så lenge det har med jul å gjere. Eg har vorte inspirert til å lage julekuler av denne bloggaren. Kjempelette å lage og samstundes veldig dekorative.

Årsaken til at eg er tidleg oppe ein laurdagsmorgon er at eg skal i gang med lesinga att. Siste eksamen på mandag. Eg gler meg til å få juleferie.

Adventsstjerne

2009-12-04T10:50:00.002+01:00

I går hadde eg koseleg besøk av Lina. Vi laga adventsstjerner! Fant ei skikkeleg fin stjerne på mi bloggferd i går, og har først inspirasjonen kome då må eg berre setje igong :) Malen til stjerna finn du her. No har eg hengt stjerna opp i vindauget og det vart koseleg! Ha ein fin dag alle saman!

Tamtaratamtamta!

2009-12-01T21:12:00.007+01:00

Då var 1. desember snart over.

Hehe. Kanskje ein litt voldsam tittel. Men eg har jo lova å legge ut bileter av vår adventskalender og. Eg har nett gjort han ferdig og er supernøgd med resultatet! Som den andre kalenderen under er nesten alt materialet frå Panduro. Hjerta er frå Perlehuset. Skikkeleg kjekt å ha vår eigen "godteautomat". No er den fylt med spanande typar tyggis og sukkerfrie drops som vi ellers aldri smakar på. Pluss nokre overraskelsar til Hans Jakob. Sjølv om eg eigentleg er i mot rødt i adventstida hadde Panduro så dårleg utval av lilla mønsterark at eg syns dei raude og brune gjorde litt meir av seg!

Langt i frå ein svart kvit dag

2009-12-01T20:53:00.004+01:00

Så rakk eg akkurat å vere med på that's just so cute si "extra cute 4 - sjakkmatt". Fristen går ut i kveld og her er mitt bidrag som har vore påbegynt ei stund, men som eksamenstida nesten gjorde at eg ikkje vart ferdig med. Men i kveld, kvelden før eksamen, har mykje scrapping vorte unnagjort. Og no gjenstår berre litt pugg før eg er klar!

Bileta er frå då vi gifta oss i januar og LOen er med i bryllaupsalbumen :)

Det minste biletet har vi nett framkalt på lerret. Og no prydar det veggen på stova :)

Kjære mamma og pappa!

2009-12-01T08:29:00.000+01:00

Som du skreiv i kommentaren til førre innlegg mamma, er eit lilla adventslys noko som skapar forventning. Kanskje kan også denne adventskalenderen vere med på å skape forventning? Den er i alle høve på veg til ein stad nær dykk :) God adventstid!

Så.. Korleis fungerer han? Hjerta med kvit malje er til deg mamma, og hjerta med svart malje er til deg pappa. Nokre er til begge to. Drag i hjertet, klipp av tråden mellom hjertet og veggen på eska, åpne luka og sjå kva skatt som skjuler seg..

Heimelaga hengsel av papir og svarte brads.

Heimelaga knottar på eskene av kvite brads.
Lykter frå Panduro.

To oppbevaringsesker til dei avklipte hjerta frå Panduro er ikkje så dumt..

Snøkrystallar og pompongband fra Panduro. Nesten alt materialet er frå Panduro i mangel på ordentlige scrapbookbutikkar i Trondheim.

Og dette er innhaldet.. Ikkje lov å lese på lappen, mamma og pappa :)

Denne adventskalenderen har vore eit langtidsprosjekt. Eg vart superinspirert av denne artikkelen på Scrappehuset. Ei skikkelig flink scrappedame hadde laga ein tutorial om korleis lage adventskalenderen :) Og her er eit av resultata. Eg har nemleg laga enno ein kalender, men den må berre få litt innhald først før den kjem på bloggen i løpet av dagen :) Kjempekjekk kalender å lage, måtte fram med litt av kvart verktøy, drillen og tapetkniven fekk verkeleg kjørt seg, så skikkeleg kjekk førebuing til advent. Eg er og ferdig med første eksamen og har levert bacheloroppgåve, så no er det siste innspurt før andre eksamen i morgon, og på mandag etter siste eksamen er det juleferie :) HURRA!

1. søndag i advent

2009-11-29T14:36:00.000+01:00

Sterke tradisjonar heimefrå får no feste i min eigen heim! Advent og lilla høyrar saman, og midt i all eksamenslesinga var eg og Ragnhild på markatur og mosesamling denne veka. Det har resultert i årets adventsstake med mosehjerter. Gjenbruk av vrihasselen frå bryllaupet er stas, og det er faktisk same sort lys frå IKEA, berre i ein anna farge. I dag har vi hatt adventsstund med tenning av lys og song av første vers i adventssongen. Eg har eksamen i morgon, så noko særleg meir adventskos vert det ikkje tid til. Med unntak av ein adventskonsert i kveld. Det vert kjekt! God første søndag i advent, og hugs kven vi ventar på no når vi går inn i adventstida, Fredsfyrsten fra Betlehem.

Men du, Betlehem, Efrata,
den ringeste blant ættene i Juda!
Fra deg lar jeg komme en mann
som skal være hersker over Israel.
Han har sitt opphav i gammel tid,
han er fra eldgamle dager.
Mika 5,1

Følg forresten med.. 1. desember vert det avduking av årets adventskalender :)

Ny utfordringsblogg - Sketchy colors

2009-11-24T11:51:00.000+01:00

En ny utfordringsblogg har starta opp.. Kjekt å kunne vere med på enda fleire konkurransar. Sjekk ut! Og enno ein ting til.. Eg har ikkje slutta å scrappe, men eksamenstida er over meg så har ikkje hatt tid til å legge ut nokre nye prosjekt. Tippar at etter første eksamen på mandag kjem det noko nytt.. :)

Kiss

2009-11-06T17:59:00.001+01:00

Her har eg laga enda eit bidrag til bryllaupsalbumen.. Dette er med i ein bonuskonkurranse på scrapping the music - på norsk.. Bonusoppgåva var å lage noko med rundingar, og her har eg laga heklakant rundt bakgrunnen, og brukt ei plate eg fann på loppis, syns tittelen var så passande :) Og så har eg marsmallowsrundingar som dannar eit hjerte rundt tittelen på LOen.. Elles er mamma sine gamle blondar flittig brukt og her som ramme bak eine biletet.

Herleg augneblink!

Vinterland

2009-11-03T13:07:00.001+01:00

Heime frå skulen og scrappar? Ja, det er eg. Eksamen nærmar seg, og aversjonen mot lesing aukar i omfang. Etter ein kort tur på skulen for eg heimatt, og rakk akkurat å scrappe ein LO før eg skal på forelesing att! I dag har eg lifta (=herma) etter ein annan LO, og det er gjennom ein konkurranse på ScrappeHuset. Dette er ein del av bryllaupsalbumen, og Ole Kristian skal ha æra for å ha teke så flotte bilete :) Har forresten lagt ut biletet som eiga fil og, så kan du få sjå kor fint det er :)

Materialliste:
- ark frå papirdesign og panduro
- tag frå panduro som eg har sverta
- noteark frå eit gammalt julenotehefte
- blonde fra mammas kommode
- filtbokstavar frå thickers
- litt band og ein knapp
- sjølvhekla snøkrystall
- og tilslutt ein perleswirl

Takk for at du kikar innom :)

Saumfart

2009-10-29T23:37:00.001+01:00

Saumfart er det ein har når ein får bestillingar på strikkepinneetui :) Då må ein sy i full fart. Her er to laga på like mange dagar. Restestoffet frå jumpsuiten eg laga i sommar vart nok til det nedste, og det prikkete stoffet har eg kjøpt på stoff og stil, og det likar eg kjempegodt!
Er det fleire som har lyst på strikkepinneetui? Eg syr gjerne på bestilling..

Gift..

2009-10-27T14:10:00.000+01:00

Produksjonen har som sagt vore stor i det siste..
Her er siste bidrag til bryllaupsalbumen :)

Sol

2009-10-26T11:50:00.000+01:00

Hans Jakob har vore vekkreist i helga, så alt av scrapbookutstyr har fått flyte utover :) Det har resultert i fleire LOar til bryllaupsalbumet og til forlovingstidsalbumet, og her er ein av LOane som skal i forlovingstidalbumet. Ein flott maidag i Trondheim i fjor var eg og Hans Jakob på scootertur.. Vi endte opp på det som viste seg å vere nudiststranda i Trondheim. Vi fant nemlig ut at det låg ein naken mann på eit svaberg litt lenger borte, då nokre små ungar ropte til pappaen sin. "Pappa, pappa, her er ein naken mann!" Vi valte å ikkje ta bilete av han, men tok i staden for eit bilete av meg med Trondheimsfjorden i bakgrunnen..

Eg har fått inspirasjon til denne LOen her. Syns saumsirklane var så stilige :)

Seinsommargolf - skissedillaskisse #30

2009-10-24T16:08:00.001+02:00

Ny LO laga etter skisse frå skissedilla.
Her frå ein seinsommardag i fjor då vi var på Byåsen og koste oss på drivingrangen..
Kameraet til Hans Jakob gjekk tomt for batteri, så det vart ikkje så gode bilete..

To nye handsydde bøker

2009-10-21T12:04:00.001+02:00

Er litt opptatt for tida, så difor vert det ikkje så mykje scrapping nett no. Men eg kom på at eg ikkje har synt fram dei to bøkene eg laga av gamle barnebøker til to av mine venninner.. Her har eg brukt koptisk saum (som eg har lært av svigerinne Rut) til å sy saman bokpermar og nye fine kvite ark til ei kjekk bok.

Mykje aktivitet

2009-10-12T12:12:00.000+02:00

Er plutselig blitt så aktiv her inne.. :) Men slik er det når studieveka er i gang, og det ikkje er noko press på å lese. Då vert det mange og lange surfingar rundt på ulike sider. Fant for eksempel denne.. http://kreativekikki.blogspot.com/ som har ein blogcandy på gang.. Er berre å linke til ho så kan eg vinne :) Tenk det!

Julepost

2009-10-11T13:54:00.001+02:00

Ny søndag, betyr ny skisse til LO frå skissedilla.blogspot.com.. Vekas skisse var ei kjekk utfordring, og eg har tolka den slik :) Endeleg fekk eg brukt litt av dei arka eg ikkje har visst heilt korleis eg skulle bruke..

Har hatt ei kjempeproduktiv scrappehelg, kjempekjekt!

Rut lagar..

2009-10-10T15:18:00.000+02:00

Svigersystra mi Rut har starta eige firma - Kongskunst. Ho er kjempeflink til å lage ting, og no har ho laga ein flott prinsessekalender. Perfekt for alle prinsesser til jul! Sjekk ut!http://www.kongskunst.no/

Vi to

2009-10-08T22:29:00.001+02:00

Har scrappa ein LO som bidrag til ein konkurranse på skissedilla.blogspot.com.
LOen er ein del av albumen frå tida Hans Jakob og eg var forlova. Ei skikkelig kjekk utfordring!

Piece of cake

2009-09-13T21:10:00.003+02:00

Onkel Oddvar fyller 60 år og i det høvet har eg på vegne av familien Haugen sendt han eit kakestykke! Gratulerer med dagen Onkel! Malen til dette kjekke kortet finn du kreativesider.no.

Stoff og stil

2009-06-22T22:21:00.002+02:00

Dette er namnet på min nye favorittbutikk! :) Stoff og stil har nett opna i Trondheim og eg har allereie vore der tre gongar. Den andre gongen kom eg heim med mønster og stoff til denne her.

(Nesten) første gongs bruk på Kreta :)

Eg har sydd min heilt eigen buksedress. Første gong eg har sydd noko etter mønster i det heile teke :) Det var kjempekjekt og gjort på tre kveldar. No gler eg meg til meir sommarver slik at eg kan bruke den fleire gongar!

Feriekreativitet

2009-06-09T23:10:00.001+02:00

Det er så godt med ferie! Då merker ein kor mykje tid ein brukar på andre ting elles :) No har eg mykje tid i massevis til å gjere kreative saker og ting sidan eg ikkje jobbar så mykje (endå). Difor vert det tid til ferdigstilling av endå eit prosjekt som har ligge på hylla sidan februar. Ein dorullhaldar! Kjekt å ha..

Eg har applikert på hjarta for hand :)

Handsydd bok

2009-05-31T19:35:00.001+02:00

Svigerinne Rut har lært meg å sy bøker. Denne har eg haldt på med heilt sidan februar, og i dag vart den ferdig. Det har ikkje teke så lang tid, men andre ting har vorte prioritert. Denne boka skal eg bruke til å skrive oppskrifter på handarbeid og scrappeting eg lagar i. Slik at eg slepp å leite på internett etter same oppskrifta stadig vekk.

Bestillingar og anna kjekt

2009-05-26T22:02:00.004+02:00

Har fått to bestillingar på kort i mai :) Ei bestilling på to exploding boxes, laga som album til ein konfirmant. Og ei bestilling på 50-års-kort! Elles har eg laga bryllaupskort og 40-års-kort! Hans Jakob har eksamenstid så eg har mykje tid om kveldane, så det er berre å seie frå dersom akkurat du treng eit kort :) Eller noko anna..

Her er resultatet :)

Eg har og laga eit nytt type kort. Eit uttrekkskort.

Når ein dreg i bandet øvst kjem det ut eit kort både over og under kortet :)

Her er 50-års kortet :)

Eg har prøvd meg med symaskina og sydd stilk til blomen!
Dette er eit tagkort.

Og så var det bryllaupskortet. Også eit uttrekkskort!

Får håpe brudeparet ikkje les denne bloggen!

Påskeegg

2009-04-19T19:20:00.001+02:00

Påska er over og godsakane er utleverte, så då er det og trygt å leggje ut eit bilete.

Sidan vi skulle vere saman med onkel-, og no også, tanteungane våre syns eg at vi måtte ha med noko kjekt. Ein dag vi var i byen fann eg nokre kjempesmå og søte påskeegg i grå papp. Dei har eg laga til med serviettar, band, fjær og decoupage! Ungane sette i alle fall pris på innhaldet, og tante Elisabeth syns det var kjekt å gi vekk og!

Kreativt tomrom

2009-03-26T09:02:00.002+01:00

etter bryllaupet har det vore eit slags kreativt tomrom, det var jo ikkje fleire bordkort å lage, så difor har eg laga litt andre ting eg :)

bursdagskort til mamma frå alle jentene :)

bursdagskort til forlover marianne..

bursdagskort til tante ragnhild

exploding minneboks til svigermor elin